اسپیکر ایاز صادق نے قومی اسمبلی اور سینیٹ کے پارلیمانی رہنماوں کا اہم اجلاس طلب کرلیا، ذرائع کے مطابق اجلاس میں وزیراعظم شہباز شریف کی شرکت بھی متوقع ہے۔
خالد مقبول صدیقی، چوہدری سالک حسین، خالد مگسی، اسحاق ڈار، عرفان صدیقی، شبلی فراز، انوار الحق کاکڑ بھی مدعو ہیں۔
اجلاس میں اعلی عسکری حکام شرکت کریں گے، پارلیمانی رہنماؤں کو قومی سلامتی امور بریفنگ دی جائے گی، اجلاس میں بلوچستان اورخیبر پختونخوا کی سیکیورٹی کی صورتحال پربریفننگ دی جائے گی۔
قومی اسمبلی اور سینیٹ کے پارلیمانی رہنماؤں پر مشتمل اجلاس ان کیمرہ ہوگا۔
دوسری جانب قومی اسمبلی اجلاس کی خبروں کی باز گشت پر قومی اسمبلی سیکرٹریٹ کا موقف بھی سامنے آگیا۔
سیکرٹری قومی اسمبلی کے مطابق قومی اسمبلی اور سینٹ کے پارلیمانی رہنماوں کا اجلاس طلب کرنے کا ابھی کوئی حتمی فیصلہ نہیں کیا گیا۔ اس حوالے سے جیسے ہی کوئی فیصلہ ہوگا تو اس کا باقاعدہ نوٹیفکیشن جاری کیا جائے گا۔
سیکرٹری قومی اسمبلی نے واضح کیا کہ اجلاس کے حوالے سے اس سے پہلے بھی کوئی نوٹس جاری نہیں کیا گیا۔
