کراچی کے علاقے کلفٹن تین تلوار پر اے ایس آئی کے ٹریفک پولیس اہلکار سے جھگڑا کرنے کے واقعے کا پولیس حکام نے نوٹس لے لیا۔
رپورٹ کے مطابق بروز جمعرات تین تلوار پر ضلعی پولیس افسر کے بیٹے کا ٹریفک پولیس افسران نے چالان کیا تھا جس پر پولیس افسر نے ٹریفک پولیس اہلکار سے جھگڑا کیا تھا۔
جھگڑے کی ویڈیو وائرل ہونے پر اعلیٰ حکام نے پولیس افسر کو معطل کر دیا۔
ایس ایس پی انویسٹی گیشن جنوب کے مطابق ضلعی پولیس افسر کے بیٹے کی گاڑی کو ٹریفک پولیس نے فینسی نمبر پلیٹ اور کالے شیشے پر روکا تھا۔
ان کا کہنا ہے کہ گاڑی کا چالان کرنے پر پولیس افسر اے ایس آئی گلزار موقع پر پہنچ گیا تھا، ویڈیو میں بھی دیکھا گیا تھا کہ ضلعی پولیس کے اے ایس آئی نے ٹریفک اے ایس آئی سے چالان کرنے پر بدتمیزی کی تھی۔
