کرک میں پولیس نے پنجاب اور دیگر اضلاع سے متصل سرحدی علاقوں میں مڈنائٹ سرچ اینڈ اسٹرائیک آپریشن کرکے اشتہاریوں سمیت انتالیس افراد کو گرفتار کرلیا۔
پولیس کے مطابق گرفتار ملزمان قتل اقدام قتل بھتہ خوری اور اغوا سمیت دیگر سنگین جرائم میں مطلوب تھے، پولیس نے ملزمان سے گیارہ کلاشنکوف، پانچ بندوقیں اور تئیس پستول برآمد کرلیے۔
آپریشن میں گیارہ منشیات فروشوں کو گرفتار کرکے ان کے قبضے سے بھاری مقدار میں منشیات برآمد کرلی گئی، آپریشن کے دوران پولیس کو بکتر بند گاڑیوں، لیڈی پولیس اور کوئیک رسپانس فورس کی معاونت حاصل تھی۔
