گلگت میں وائلد لائف اور محکمہ پارکس کے تعاون سے برفانی چیتے کا بچہ ایک گھر سے برآمد ہوا ہے جس کے بعد تین افراد کو گرفتار کرلیا گیا۔
رپورٹ کے مطابق حکام نے بتایا کہ گلگت میں کارروائی کرتے ہوئے ایک گھر سے برفانی چیتے کا ڈھائی ماہ کا بچہ برآمد ہوا ہے جس کے نتیجے میں تین افراد کو گرفتار کرلیا ہے۔
وائلڈ لائف حکام نے بیان میں کہا کہ برفانی چیتے کے بچے کو غیرقانونی طور پر ڈھائی لاکھ میں فروخت کیا گیا۔
وائلڈ لائف حکام کے مطابق چیتے کا بچہ گلگت کی وادی یاسین کے علاقے ناز برنالہ سے اٹھایا گیا تھا، کارروائی کے دوران چیتے کا بچہ برآمد کرکے اسے وادی نلتر میں برفانی چیتے کے بحالی کیمپ میں منتقل کردیا گیا۔
