بالی وڈ کے دبنگ خان سلمان خان کا خاندان امیر ترین خاندانوں کی فہرست میں شامل ہو گیا۔ جہاں نہ صرف ان کی کامیابیوں بلکہ دولت میں بھی بے پناہ اضافہ ہوا ہے۔
سلمان خان کے والد اور مشہور مصنف سلیم خان سے شروع ہونے والا یہ سفر، اب ان کے بیٹوں اور خاندان کے دیگر افراد تک پھیل چکا ہے۔
ایک حالیہ رپورٹ کے مطابق، سلمان خان اکیلے ہی اپنے خاندان کی 50 فیصد سے زائد جائیداد کے مالک ہیں، جن کی کل دولت 2 ہزار 9 سو 16 کروڑ بھارتی روپے بتائی جاتی ہے۔
ان کے بھائی ارباز خان 5 سو کروڑ اور سہیل خان 3 سو 33 کروڑ روپے کی جائیداد کے مالک ہیں، جبکہ والد سلیم خان کی دولت کا تخمینہ ایک ہزار کروڑ روپے ہے۔
ارپیتا خان، جو سلیم خان کی منہ بولی بیٹی ہیں، اپنے شوہر آیوش شرما کے ساتھ 2 سو 57 کروڑ بھارتی روپے کی مجموعی دولت رکھتی ہیں۔
