بالی وڈ کی چکا چوند کردینے والی دنیا سے اسلام کی خاطر خود کو دور کرنے والی ثنا خان کا ایک انٹرویو خوب وائرل ہورہا ہے، جس میں انہوں نے اپنی ذاتی زندگی کے حوالے سے کئی پہلووں پر بات کی۔

ایک پوڈ کاسٹ میں شرکت کرتے ہوئے انہوں نے کہا کہ میں شادی سے پہلے بہت نروس تھی۔ کیونکہ مفتی انس سعید مجھ سے عمر میں 7 سال چھوٹے تھے۔

آج کے نوجوان کیوں محبت میں جلدی تھک جاتے ہیں؟ آشا بھو سلے پریشان

ثنا خان نے کہا کہ جب مولانا جی نے میرے لیے رشتہ بھیجا تو میں یہ سوچ سوچ کر پریشان ہورہی تھی کہ یہ سب کیسے ہوگا؟ اس کی عمر مجھ سے کم ہے۔ لیکن انہوں نے مجھے سمجھایا کہ ہماری شادی کرنے کا کیا مقصد ہے؟

بگ باس فیم ثنا خان کا کہنا ہے کہ چونکہ وہ شوبز کی چمکتی دمکتی دنیا سے تعلق رکھتی ہیں اس لیے انہیں مولانا ہمیشہ بور لگتے تھے۔ مگر جب ان کی ملاقات انس سے ہوئی تو ان کی شخصیت نے مجھے اپنی رائے بدلنے پر مجبور کر دیا اوران کی خوبیوں نے ثناکا دل جیت لیا۔

ثناخان کہتی ہیں کہ انہوں نے پہلی ملاقات میں اپنے دوست کے بارے میں بہت اچھی اچھی باتیں کیں، جس سے میرے اوپر ان کا بہت اچھا تاثر پڑا۔

یاد رہے کہ ثنا خان نے اپنے کیریئر کے عروج پر شوبز کی گلیمرس دنیا کو چھوڑ کر 2020 میں مفتی انس سے شادی کرلی تھی۔ شادی کے تین سال بعد وہ ایک بیٹے کی ماں بنی تھیں۔