سوشل میڈیا پر زیر گردش جسٹس منصور علی شاہ کے بطور چیف جسٹس نوٹیفکیشن کو وفاقی وزارت قانون و انصاف نے جعلی قرار دے دیا۔
وفاقی وزارت قانون و انصاف کی جانب سے جاری کردہ اعلامیہ کے مطابق سوشل میڈیا پر جسٹس منصورعلی شاہ کا چلنے والا نوٹیفکیشن جعلی ہے۔
وزارت قانون وانصاف کا کہنا ہے کہ وزارت قانون نے جسٹس منصور کا بطور چیف جسٹس کوئی نوٹیفکیشن جاری نہیں کیا گیا ہے۔
واضح رہے کہ جسٹس منصور علی شاہ سپریم کورٹ کے سینیئر جج ہیں اور موجودہ چیف جسٹس قاضی فائز عیسیٰ کی ریٹائرمنٹ کے بعد چیف جسٹس بنیں گے۔
