پنجاب پولیس اسپیشل آپریشنز سیل نے بروقت کارروائی کرتے ہوئے معروف ٹک ٹاکرثمینہ پرغیرت کے نام پرقاتلانہ حملہ کرنے والے ملزم کی بیرون ملک فرار کی کوشش ناکام بنا دی ہے

واضح رہے کہ ملزم نے ٹک ٹاکر ثمینہ پر غیرت کے نام پر قاتلانہ حملہ کیا تھا۔ پولیس نے پی این آئی ایل لسٹ میں ملزم کے کوائف شامل کروا رکھے تھے۔

ترجمان پنجاب پولیس کے مطابق ایف آئی اے کی مدد سے پولیس نے ملزم کو فلائٹ میں سوار ہونے سے قبل گرفتار کر لیا، ملزم سلطان احمد نے گزشتہ ماہ قلعہ دیدار سنگھ کے علاقہ میں ٹک ٹاکر ثمینہ پر قاتلانہ حملہ کیا تھا۔

پولیس کے مطابق واقعہ کی ایف آئی آر تھانہ قلعہ دیدار سنگھ میں درج ہے۔