جنوبی کوریا میں ایک چور کو اپنی 27 سال پرانی غلطی کا احساس ہوا تو اس نے اہم قدم اٹھا لیا۔
نیوز 18 کی رپورٹ کے مطابق جنوبی کوریا کے ایک مندر کی انتظامیہ اس وقت حیرانی میں مبتلا رہ گئی جب انہیں ایک چور کا خط ملا جس نے 27 برس قبل مندر کے ڈونیشن باکس سے رقم چرائی تھی۔
رپورٹ کے مطابق مندر انتظامیہ کو وصول ہونے والے لفافے کے اندر 2 ملین کورین کرنسی (پاکستانی 4 لاکھ) کی رقم اور ساتھ میں پیغام بھی درج تھا۔
چوری کے دوران پکوڑے بنا کر کھانے والے انوکھے چور، فریج میں رکھی پانی کی بوتلیں بھی خالی کرگئے
چور نے خط میں 27 سال قبل مالی بحران کے باعث مندر سے 30 ہزار کورین رقم (پاکستانی 6 ہزار روپے) چوری کرنے کا اعتراف کیا۔
چور نے خط میں مزید لکھا کہ اس نے کچھ دنوں بعد مندر سے دوبارہ چوری کرنے کی کوشش کی لیکن وہاں موجود ایک راہب نے اسے پکڑ لیا۔
چور نے دعویٰ کیا کہ اس راہب نے مجھے پکڑا اور پھر میرے کندھے پر ہاتھ رکھ کر اپنا سر ہلایا جس کے بعد سے میری زندگی ہی بدل گئی۔ اس نے بتایا کہ تب سے میں نے اپنی زندگی میں بہت محنت کی اور باعزت طریقے سے زندگی گزاری۔
