حکومت نے پرویزالہی کا نام پاسپورٹ کنٹرول لسٹ اور دیگر کا نام ای سی ایل لسٹ سے نکال دیا گیا۔

لاہور ہائیکورٹ میں سرکاری وکیل نے رپورٹ پیش کی۔ جسٹس شمس محمود مرزا نےتوہین عدالت کی درخواستوں پر سماعت کی۔

واضح رہے کہ اس معاملے پر ایک درخواست جمع کرائی گئی تھی جس میں مؤقف اختیار کیا گیا کہ عدالتی احکامات کے باوجود نام پاسپورٹ اور ای ایک لسٹ سے نہیں نکالا جارہا۔

اس درخواست میں عدالت سے استدعا کی گئی تھی کہ عدالت افسران کے خلاف توہین عدالت کی کارروائی کا حکم دے۔ آج ہونے والی سماعت میں حکومتی وکیل نے رپورٹ پیش کی اور بتایا کہ پرویزالہی و دیگرکا نام پی سی ایل اورای سی ایل سے نکال دیا گیا ہے۔

جس کے بعد عدالت نے سرکاری وکیل کی رپورٹ کی روشنی میں درخواستیں نمٹا دی۔