وسطی اسرائیل میں واقع ایک فوجی تربیت مرکز میں چاقو سے حملہ کرکے متعدد افراد کو زخمی کردیا گیا ہے۔ یہ واقعہ پیر کی صبح رونما ہوا ہے۔

ٹائمز آف اسرائیل کی ویب سائٹ پر اپ لوڈ کی جانے والی ایک تصویر کے کیپشن میں بتایا گیا ہے کہ بیت گُوری نامی فوجی تربیتی مرکز میں ایک شخص نے داخل ہوکر چاقو سے کئی افراد کو زخمی کیا۔

اسرائیل فوج نے اس حوالے سے کوئی باضابطہ بیان جاری نہیں کیا۔ یہ انتہائی حساس علاقہ تصور کیا جاتا ہے۔ وسطی اسرائیل میں مجموعی طور پر سیکیورٹی کی صورتِ حال بہت اچھی ہے۔ ایک فوجی تربیتی مرکز میں چاقو سے حملے کا واقعہ حیرت انگیز ہے۔

جنوبی لبنان پر حملوں اور حزب اللہ کی طرف سے دور مار راکٹ داغے جانے کے باعث صورتِ حال انتہائی کشیدہ ہوچکی ہے۔ وسطی اسرائیل میں بھی لوگوں کی نقل و حرکت محدود کردی گئی ہے۔