کراچی کے علاقے سائٹ ایریا میں فائرنگ سے ٹریفک پولیس اہلکار سمیت دو افراد کے قتل میں ملوث دونوں ملزمان کو مواچھ گوٹھ سے گرفتار کرلیا گیا۔
واضح رہے کہ دو روز قبل ڈسٹرکٹ کیماڑی کے علاقے شیر شاہ پراچہ چوک کے قریب دن دیہاڑے موٹر سائیکل سوار ملزمان کی فائرنگ سے ٹریفک پولیس کا اہلکار شہید جبکہ فائرنگ کی زد میں آکر ایک راہگیر بھی زندگی کی بازی ہار گیا تھا۔
پولیس نے دعویٰ کیا ہے کہ قتل میں ملوث دونوں ملزمان کو گرفتار کرلیا گیا اور ان کے زیر استعمال پستول اور موٹر سائیکل بھی برآمد کرلی۔
پولیس حکام کے مطابق ملزم نے ٹریفک اہلکار کا اسلحہ چھیننے کی کوشش کی تھی اور ہاتھا پائی کے دوران ملزم حسین نے فائرنگ کردی تھی۔
