ویڈیوز پر چند ویوز اور لائکس حاصل کرنے کے لیے یوٹیوبرز اور ٹک ٹاک صارفین ہر حد پار کرنے کی کوشش میں لگے ہیں۔
جیسا کہ بھارت میں ایک واقعہ پیش آیا جب موٹرسائیکل پر جاتے یوٹیوبرز نے سائیکل پر جاتے ایک بزرگ کے چہرے پر اسپرے سے حملہ کردیا جس کا اس شخص کو اندازہ بھی نہیں تھا۔
انڈیا ڈاٹ کام کے مطابق مذکورہ ویڈیو بھارتی ریاست اتر پردیش کے شہر جھانسی کے علاقے ایلیٹ چترا فلائی اوور کے قریب بنائی گئی ہے۔
بھارتی بس ڈرائیور کے ساتھ ’بھاگنے‘ والی امریکی لڑکی پکڑی گئی
ویڈیو میں دیکھا جا سکتا ہے کہ راستے پر ٹریفک بھی رواں دواں ہے اور نوجوانوں کی حرکت بزرگ کو کسی حادثے کا شکار بنا سکتی تھی۔
اسپرے سے متاثرہ بزرگ کا چہرہ اسپرے فوم سے ڈھک جاتا ہے جنہیں بیچ سڑک پر سائیکل روکنی پڑ جاتی ہے۔
ویڈیو وائرل ہونے کے بعد یوٹیوبرز کو سوشل میڈیا صارفین کی جانب سے شدید تنقید کا نشانہ بنایا جا رہا ہے۔
