پاکستانی شوبز انڈسٹری کی مشہور اداکارہ عائزہ خان نے بالی ووڈ کی مقبول اداکارہ سے متاثر ہوکر شوبز کی دنیا میں آنے سے متعلق انکشاف کیا ہے۔
عائزہ خان اپنے سوشل میڈیا اکاؤنٹس پر متحرک رہتی ہیں اور ان کے مداح اداکارہ کو آن اسکرین دیکھنا بہت پسند کرتے ہیں۔
اداکارہ عائزہ خان مختلف پروگراموں میں بھی بطور مہمان خصوصی شرکت کرتی ہیں جہاں وہ اپنے کیریئر اور نجی زندگی سے متعلق گفتگو کرتی ہیں۔
حال ہی میں عائزہ خان نے اپنے انسٹاگرام ہینڈل پر اپنی نئی ویڈیو پوسٹ کی جس میں انہوں نے بالی ووڈ کی بیبو کرینہ کپور جیسا انداز اپنا کر اُن کے فلمی ڈائیلاگز دہرائے۔
مذکورہ ویڈیو میں عائزہ خان نے بالی ووڈ فلم ’کبھی خوشی کبھی غم‘ سے کرینہ کپور کے مشہور ڈائیلاگز پر لِپ سنک کرتے ہوئے انہیں کے انداز میں اداکاری کی۔
اداکارہ نے ویڈیو پوسٹ کرتے ہوئے اپنے مداحوں سے پوچھا کہ کیا آپ کو معلوم ہے کہ میں نے کرینہ کپور کو دیکھ کر ہی اداکاری کا آغاز کیا تھا؟
اُنہوں نے سوالیہ انداز میں کہا کہ کیا آپ کو اندازہ ہے کہ میں نے کرینہ کپور کی ’جب وی میٹ‘ فلم کتنی بار دیکھی ہے؟
عائزہ خان کی اس ویڈیو پر مداحوں کی جانب سے بھرپور تعریف کی گئی۔
