لاہور جلسے سے قبل مفرور کارکنان کی گرفتاری کے فیصلے پر عمل درآمد شروع ہو گیا، پولیس نے متعدد کارکنان کو گرفتار کر لیا۔
لاہور میں پی ٹی آئی کے جلسے کے پیش نظر انتظامیہ نے اقدامات کرنا شروع کردیے ہیں۔
کاہنہ جلسہ گاہ کو جانے والے راستوں کو کنٹینرز لگا کر بند کردیا گیا ہیں۔ جس سے شہریوں کو آمدورفت میں مشکلات کا سامنا ہیں۔
جبکہ پنجاب پولیس نے 9 مئی کے مفرور 37 سو افراد کو لاہور جلسے کے موقع پر گرفتار کرنے کا فیصلہ کیا تھا۔ جس پر عمل در آمد شروع کر دیا گیا ہے۔
لاہور گلبرک میں پولیس نے پی ٹی آئی کی کارنر میٹنگ پر دھاوا بول دیا، پولیس اور پی ٹی آئی کارکنان میں تصادم ہوا۔
پی ٹی آئی کارکنان نے پتھراؤ کیا تو پولیس نے بھی ہوائی فائرنگ کی۔
جس کے بعد پولیس نے پی ٹی آئی کے 20 سے زائد کارکنان کو حراست میں لے لیا، کارکنوں کو پریزن وین میں ڈال کرتھانے منتقل کردیا گیا۔
ساتھی کارکنان کی گرفتاری کے بعد مشتعل مظاہرین نے منی مارکیٹ سڑک بلاک کرکے ٹائر کو آگ لگا دی۔ جس سےشہریوں کو آمدرفت میں مشکلات کا سامنا کرنا پڑا۔
اُدھروزیر اطلاعات عظمی بخاری نے پی ٹی آئی کے لوگوں کی جانب سے راستے بلاک کرنے کی ویڈیو شیئرکردی۔
عظمی بخاری نے لکھا کہ تحریک فساد کےغنڈوں نے ابھی سے سڑکیں بند کرکے جلاؤ گھیراؤ شروع کردیا ہے، یہ انکا اصل چہرہ ہے انکے نام نہاد لیڈروں کے پرامن رہنے کے بھاشن سنیں۔
وہاڑی میں بھی آئی ایس ایف ضلعی صدررانا محسن منہاس سمیت 4 افراد گرفتار کر کے 30 دن کے لئے ڈسٹرکٹ جیل منتقل کر دیا گیا۔
جبکہ ذرائع کا کہنا ہے کہ وہاڑی میں موجود دیگر پی ٹی آئی رہنماؤں کے گھروں پر بھی چھاپے مارے جا رہے ہیں۔
پنجاب حکومت کا اعلیٰ سطح کا اجلاس ہوا جس میں پنجاب پولیس کی جانب سے گرفتاری کے لئے ٹیمیں بھی تشکیل دے دیں گئیں۔
پنجاب حکومت کے ذرائع کے مطابق 9 مئی کے مفرور 3700 افراد کو لاہور جلسے کے موقع پر گرفتار کیا جانا ہے۔
نئی پارٹی پوزیشن میں قومی اسمبلی سے پاکستان تحریک انصاف کا وجود ختم
لاہور میں جلسے سے قبل پی ٹی آئی کے مزید 5 رہنماؤں کے نظربندی کے احکامات
ذرائع کا بتانا ہے کہ مفرور افراد کی گرفتاریاں جدیدٹیکنالوجی کے زریعے عمل میں لائی جائیں گی جس کے لئے پنجاب پولیس کی جانب سےٹیمیں تشکیل دیدیں ہیں۔
