دائرہ دین پناہ میں گھر سے 9 فٹ لمبا کالا سانپ نکل آیا۔ ایک ماہ کے دوران سانپ نے اہل علاقہ کی بہت سی مرغیوں اور کبوتروں کو ڈس کر ہلاک کیا تھا۔

کوبرا سانپ پر قابو پانے کے لیے لیہ سے ایک جوگی (سپیرے) کو بلایا گیا۔ جوگی نے اپنی پیشہ ورانہ مہارت بروئے کار لاتے ہوئے بین بجاکر کوبرا سانپ کو پکڑ لیا۔

جوگی رب نواز کی مہارت کو داد دیتے ہوئے اہلِ علاقہ نے اس کا شکریہ ادا کیا۔ جوگی کو تین ہزار روپے انعام دیا گیا۔ وہ کوبرا کو ساتھ لے گیا۔ خطرناک سانپ کے پکڑ لیے جانے پر لوگوں نے سکون کا سانس لیا۔