چنیوٹ تھانہ سٹی کے علاقے منڈی شیخاں میں واقعہ قبرستان سے کمسن بچوں کی میتوں کو قبروں سے نکال لیا گیا۔

چنیوٹ سرگودھا روڈ پر واقعہ قبرستان سے رات گئے بچوں کی قبریں کھود دی گئیں۔ نامعلوم افراد کی جانب سے دفن کئے جانے والے تین بچوں کی قبروں سے میتیں نکال لی گئیں۔

قبروں کو کھود کر میتیں نکال کر کفن قبرستان میں ہی پھینک دئیے گئے۔ واقعہ کی اطلاع ملتے ہی علاقہ مکینوں کی بڑی تعداد قبرستان پہنچ گئی۔ قبریں کھودے جانے کہ واقعہ کا سن کر علاقے میں خوف و ہراس پھیل گیا۔

دوسری جانب تھانہ سٹی پولیس نے جائے وقوعہ پر پہنچ کر تحقیقات کا آغاز کردیا۔