پاکستانی خواتین امن دستے کی پیشہ ورانہ خدامات پر دو خواتین افسران کو ایوارڈ سے نواز دیا گیا۔
میجر ثانیہ صفدر کو یو این امن مشن قبرص میں جبکہ میجر کومل مسعود کو وسطی افریقی جمہوریہ میں خدمات کی انجام دہی پر جینڈر ایڈوکیسی ایوارڈ سے نوازا گیا۔
دونوں خواتین آفیسرز کو اقوام متحدہ کے نظریات کو فروغ دینے کے دوران شاندار کارکردگی اور عزم پر اس ایوارڈ نوازا گیا۔
دونوں افسران نے غیر معمولی پیشہ ورانہ مہارت اور لگن کا مظاہرہ کیا، یہ ایوارڈ اقوام متحدہ کے امن مشن کے لیے پاکستان کے غیر متزلزل عزم، پیشہ ورانہ مہارت اور امن کی کوششوں میں مثبت کردار کا ثبوت ہے۔
