کراچی میں سپر ہائی وے چاکر ہوٹل کے قریب نامعلوم افراد کی فائرنگ سے پاکستان تحریک انصاف (پی ٹی آئی) سندھ کے صدر حلیم عادل شیخ کا ڈرائیور جاں بحق ہوگیا۔

تفصیلات کے مطابق سپر ہائی وے چاکر ہوٹل کے قریب فائرنگ کا واقعہ پیش آیا، جہاں پی ٹی آئی سندھ کے صدر حلیم عادل شیخ کے ڈرائیور کو فائرنگ کرکے قتل کردیا گیا۔

پولیس کے مطابق مقتول صبح 7 بجے اپنی موٹر سائیکل پر کام پر جانے کے لیے نکلا تھا، مقتول کے پاس اپنا لائسنس یافتہ پستول اور موٹر سائیکل تھی، جہاں سے لاش ملی وہاں نہ مقتول کی موٹر سائیکل تھی اور نہ ہی اس کی پستول موجود تھی۔

ذرائع کے مطابق پولیس نے شبہ ظاہر کیا ہے کہ مقتول کو کہیں اور قتل کر کے لاش مذکورہ جگہ پھینکی گئی۔