مانسہرہ سی پیک روڈ پر بیٹی کو اغواء ہونے سے بچانے پر مزاحمت کے دوران فائرنگ سے باپ بیٹے سمیت قتل کردیا گیا۔
مانسہرہ پولیس کے مطابق تھانہ سٹی مانسہرہ کی حدود میں سی پیک روڈ پر گاڑی پر فائرنگ کے نتیجہ میں ٹھاکرہ کا رہائشی طارق محمود جاں بحق جبکہ اس کی اہلیہ نوشین بی بی زخمی ہوگئی۔
ملزمان طارق محمود کے بیٹے زین طارق اور بیٹی رائمہ کو اغواء کرکے لے گے تھے، بعد ازاں بیس سالہ زین کو بھی سر میں گولی مار کر قتل کردیا گیا۔
ڈی پی او مانسہرہ کے مطابق ملزم شعیب مقتول کا قریبی دوست ہے۔
ذرائع کے مطابق ملزم کو گرفتار کرکے مغوی لڑکی کو بازیاب کروالیا گیا ہے۔
ڈی پی او مانسہرہ شفیع اللہ گنڈا پور کا کہنا ہے کہ تین ملزمان کے خلاف مقدمہ درج کرلیا گیا ہے، انہوں نے بتایا کہ بچوں کو اغواء کرنے پر ہاتھا پائی اور فائرنگ ہوئی۔ معاملے کی مزید تفتیش جاری ہے۔
