بالی ووڈ سپر اسٹار دیپیکا پڈوکون نے اپنی بیٹی کی دیکھ بھال کے لیے اہم فیصلہ کر لیا۔

بالی وڈ سٹار جوڑی دیپیکا پڈوکون اور رنویر سنگھ کے گھر 8 ستمبر کو بیٹی کی پیدائش ہوئی تھی۔ انہوں نے یہ خبر سوشل میڈیا پوسٹس کے ذریعے دی تھی۔

جوڑے نے ابھی تک اپنی بیٹی کا چہرہ میڈیا پر نہیں دکھایا ہے اور نہ ہی کسی نام کا اعلان کیا ہے۔

بھارتی میڈیا کے مطابق دیپیکا اپنی بیٹی کی دیکھ بھال کےکام خود کریں گی اور انڈین ایکٹریس انوشکا شرما کی پیروی کرتے ہوئے کسی نینی کی خدمات حاصل نہیں کریں گی۔

بھارتی رپورٹ میں یہ بھی کہا گیا ہے کہ یہ فلمی جوڑا بھی دیگر بھارتی اداکاروں، عالیہ بھٹ، رنبیر کپور، انوشکا شرما اور ویرات کوہلی کی طرح فی الحال اپنی بیٹی کو میڈیا سے دور رکھیں گے اور کچھ عرصے بعد اسے منظر عام پر لائیں گے۔

واضح رہے کہ رنویر سنگھ اور دیپیکا پڈوکون نے سال 2018 میں اٹلی میں ایک پروقار تقریب کے دوران شادی کی تھی۔