لیہ میں تیز رفتاری کے باعث ٹریکٹر ٹرالی اور موٹرسائیکل میں تصادم کے نتیجے میں 3 افراد جاں بحق ہوگئے۔

ذرائع کے مطابق حادثہ موٹرسائیکل سواروں کی تیز رفتاری کے باعث پیش آیا، حادثے میں ماں، بیٹا اور بیٹی موقع پر جاں بحق ہوگئے۔

کراچی نوری آباد کے قریب ٹریفک حادثہ، 9 ماہ کے بچے سمیت 3 افراد جاں بحق

خوفناک حادثے کے شکار افراد کا تعلق لیہ کے علاقے 70 ایم ایل سے ہے۔ حادثے میں مرنے والی خاتون کی شناخت 40 سالہ رشیدہ بی بی کے نام سے ہوئی ہے۔ جبکہ موٹر سائیکل چلانے والا نوجوان 20 سالہ عمران اور 8 سالہ فاطمہ بھی جاں بحق ہوگئے۔

واقعے کے بعد لاشوں کو تحصیل اسپتال فتح پور میں منتقل کر دیا گیا ہے۔