اسکول میں بریک کے دوران 9 سالہ بچی کھیلتے وقت اچانک زمین پر گر چل بسی۔
انڈیا ٹوڈے کی رپورٹ کے مطابق واقعہ بھارتی شہر لکھنؤ کے مونٹفورٹ اسکول میں پیش آیا۔
رپورٹ کے مطابق اسکول پرنسپل نے بتایا کہ ہماری 9 سالہ طالب علم اچانک دل کا دورہ پڑنے سے کھیلتے ہوئے دم توڑ گئی۔
اسکول کے پرنسپل نے بتایا کہ تیسری جماعت کی طالبہ مانوی سنگھ اسکول گراؤنڈ میں اچانک گر گئی جس کے بعد اسے فوری طور پر اسپتال لے جایا گیا۔
پرنسپل کا کہنا تھا کہ طالبہ مانوی سنگھ کے اہلخانہ اسے دوسرے ہسپتال لے گئے، جہاں ڈاکٹروں نے بچی کے دل کا دورہ پڑنے کی تصدیق کی۔
رپورٹ میں بتایا گیا کہ بچی کی اچانک موت کا معاملہ پولیس کے علم میں بھی آیا، مگر اہلخانہ نے اس حوالے سے کسی قسم کی کارروائی کرنے سے انکار کردیا۔
