پنجاب کے شہر پاکپتن میں زمین کے تنازع پر 2 گروپوں میں تصادم ہوگیا، جہاں مخالفین کی فائرنگ سے بیٹا جاں بحق اور ماں شدید زخمی ہوگئی، جسے اسپتال منتقل کردیا گیا۔
پاکپتن کے نواحی علاقے میں زمین کے تنازع پر 2 گروپوں میں گولیاں چل گئیں، گولیاں لگنے سے 25 سالہ نوجوان علی بہادر جان کی بازی ہار گیا جبکہ اس کی ماں مینہ بی بی شدید زخمی ہوگئی جسے زخمی حالت میں اسپتال منتقل کردیا گیا۔
ورثا نے ڈسٹرکٹ اسپتال میں احتجاج کرتے ہوئے الزم عائد کیا ہے کہ شام سے اسپتال آئے ہوئے ہیں، کئی گھنٹے گزرنے کے باوجود مقتول کے پوسٹ مارٹم میں تاخیر کی گئی جبکہ ملزمان کی گرفتاری عمل میں نہیں لائی جاسکی ہے۔
