کوئٹہ میں نیو کچلاک کے مقام پر پولیس گاڑی کے قریب دھماکے میں 2 اہلکار شہید جبکہ ایک زخمی ہوگیا۔

تفصیلات کے مطابق واقعہ کے بعد سیکیورٹی فورسز اور پولیس نے علاقے کو گھیرے میں لے لیا جبکہ دھماکے کی نوعیت اور اس میں استعمال ہونے والے بارودی مواد کا جائزہ لیا جارہا ہے۔

واضح رہے کہ 4 مئی کو کوئٹہ کے نواحی علاقے کلی زرین نیو سریاب میں پولیس کی موبائل وین پر حملہ ہوا تھا اور پولیس کی جوابی کارروائی میں چار دہشت گرد ہلاک ہوگئے تھے۔