کراچی کےعلاقے نارتھ کراچی میں رینجرز اور پولیس نے مشترکہ کارروائی کے دوران ڈکیتی، اسٹریٹ کرائم کی وارداتوں میں ملوث 3 ملزمان کو گرفتار کرلیا۔

ترجمان رینجرز کے مطابق ملزمان نارتھ کراچی میں پرچون کی دکان پرلوٹ مار کررہے تھے، ڈیوٹی پرمامور رینجرز اہلکاروں نے کارروائی کرکےملزمان کورنگے ہاتھوں گرفتارکرلیا۔

ترجمان کے مطابق گرفتارملزمان اسٹریٹ کرائمز کے متعدد وارداتوں میں ملوث ہیں اور ملزمان کی شناخت جنید، خرم اور احمد کے ناموں سے ہوئی ہے۔

ترجمان کے مطابق ملزمان کے قبضے سےاسلحہ، موٹرسائیکلز، موبائل فونزبرآمد کرلیے۔