ملک میں کانگو وائرس کے کیسز میں بتدریج اضافہ ہورہا ہے۔ بلوچستان میں اب تک کانگو وائرس سے متاثرہ افراد کی مجموعی تعداد 30 ہوگئی ہے۔

تفصیلات کے مطابق کوئٹہ میں مزید دو افراد میں کانگو وائرس کی تصدیق ہوئی ہے۔ ذرائع کے مطابق خاتون سمیت دو کانگو کے مریض اسپتال میں داخل ہوئے جس کے بعد رواں سال بلوچستان میں اب تک تیس کیسز رپورٹ ہوچکے۔

ایک مریض کا تعلق موسیٰ خیل، دوسرے کا کچلاک سے ہے۔ واضح رہے کہ رواں سال اب تک 6 افراد کانگو سے جان کی بازی ہارچکے ہیں۔