**محکمہ انسداد دہشت گردی (سی ٹی ڈی) نے خفیہ اطلاع پر ساہیوال سے مبینہ دہشت گرد مستاجب شاہ کو گرفتار کرلیا۔
ترجمان ساہیوال سی ٹی ڈی کے مطابق دہشت گرد مستاجب کوساہیوال بائی پاس سے گرفتارکیا گیا۔ ترجمان کے مطابق دہشت گرد کا تعلق کالعدم تنظیم زینبیون بریگیڈ سے ہے۔
ترجمان سی ٹی ڈی کے مطابق ملزم گوجر خان راولپنڈی کا رہائشی ہے، دہشت گرد سے بارودی مواد اور آئی ای ڈی برآمد ہوئے ہیں جبکہ ملزم کو مزید تفتیش کےلیے نا معلوم مقام پر منتقل کر دیا گیا۔
