قدرت کے کھیل بھی نرالے ہوتے ہیں۔ اگر وہ ٹھان لے کہ دنیا کو حیرت زدہ کرنا ہے تو حیران کرکے دم لیتی ہے اور جب دہشت زدہ کرنا ہو تو دہشت زدہ کردیتی ہے۔

ایران میں نمک کی ایک کان سے قبلِ مسیح کی لاشیں برآمد ہوئی ہیں۔ کان کنوں کی لاشیں اس قدر بھیانک حالت میں دریافت ہوئی ہیں کہ دیکھنے والوں کے دل دہل جائیں۔

ایرانی میڈیا کے مطابق نمک نے لاشوں کو محفوظ کرلیا۔ بیشتر لاشوں کو دیکھ کر اندازہ لگایا جاسکتا ہے کہ کان دھنس جانے پر کان کن چیخیں مار رہے ہوں کہ اِسی حالت میں مرنے کے بعد اُن کی لاشیں محفوظ ہوگئیں۔

یہ لاشیں 550 تا 330 سال قبل مسیح کی ہیں۔ نمک کی بدولت محفوظ رہ جانے والی لاشوں میں ایک بھیڑ بھی شامل ہے۔