برتنوں کی صفائی ایک تھکا دینے والا کام ہے۔خصوصا جب وہ جلے ہوئے ہوں تو انہیں پرانی کنڈیشن میں لانامشکل ہوتا ہے۔
پریشان نہ ہوں، ہم اپ کے مشکل کام کو آسان بنانے کی چند مفید ٹپس لائے ہیں۔
گندے برتنوں میں پانی ڈالیں اور انہیں اچھی طرح ابال لیں۔ اس طرح برتن کے پیندے میں چپکے ہوئے کھانے کے بچے ہوئے سخت ذرات کو نرم ہوجاتے ہیں اور پھر آسانی سے عام ڈش واشر سے بھی صاف کیے جا سکتے ہیں۔
کچن میں بیکٹیریا کی آماجگاہ ’برش، اسفنج اور تولیا‘ تو اب کیا کریں!
ڈش واشنگ جیل ، لیموں کے رس کے ساتھ تھوڑا سا نمک برتنوں میں چھڑک دیں، اور پھر اسے صاف کر لیں۔
بیکنگ سوڈا کو صفائی کے بہترین ایجنٹ کے طور پر جانا جاتا ہے۔آپ بیکنگ سوڈا کو پانی کے ساتھ گندے برنوں میں ابال سکتی ہیں ۔اس طرح برتن صاف ہو جائیں گے۔
جلے ہوئے حصے پر کیچپ کی کوٹنگ کریں اور اسے دس سے پندرہ منٹ بعد دھو ڈالیں۔
لیموں کو جلے ہوئے برتنوں کے اندر ڈال کراس وقت تک ابالیں۔جب تک کہ چپکے ہوئے کھانے کے ذرات تحلیل ہو کر اوپر کی جانب نہ آجائیں۔ اب سے ڈش واشنگ جیل سے دھو کر کھنگال لیں۔
