سندھ میں منشیات کی تیاری اور کھپت میں استعمال ہونے والی اشیا کی فروخت پر پابندی عائد کردی گئی۔
سندھ کے سینئر وزیر شرجیل انعام میمن کی ہدایت پر کمشنر کراچی نے احکامات جاری کر دیے، جس کے مطابق لکڑی، ایکریلک، شیشے، پتھر، پلاسٹک اور سیرامک کے پائپ کی فروخت پر پابندی عائد کردی گئی۔
اس کے علاوہ روچ کلپس، چلم، بونگس، میریجوانا پائپ اور دیگر اشیا کی فروخت پر بھی پابندی عائد کردی گئی۔
نوٹیفکیشن کے مطابق خلاف ورزیوں کے خلاف متعلقہ تھانے مقدمات درج کرنے کے مجاز ہیں۔
شرجیل انعام میمن نے کہا ہے کہ پابندی منشیات کے استعمال کے خلاف ہماری جنگ میں اہم قدم ہے، مقصد ایسے آلات کی دستیابی کی حوصلہ شکنی کرنا ہے۔
