گیس اینڈ آئل پاکستان لمٹیڈ کے چیف آپریٹنگ آفیسر ذیشان طیب نے وضاحت کی ہے کہ پاکستان میں آرامکو نے اب تک کسی بھی سائٹ کو باضابطہ طور پر کمیشن نہیں کیا ہے۔ ایک بیان میں ذیشان طیب نے کہا کہ اس حوالے سے باضابطہ رسمی بیان مناسب موقع پر کیا جائے گا۔

گیس اینڈ آئل پاکستان لمٹیڈ (جی او) کا کہنا ہے کہ اُس نے سوشل میڈیا میں پھیلائی جانے والی خبر اور تصویر کو غلط انداز سے پیش کرنے کے جواب میں یہ وضاحت جاری کی ہے۔

جی او سعودی آئل جاینٹ آرامکو کا ایک بزنس پارٹنر ہے۔ اس کا کہنا ہے کہ جو تصویر سوشل میڈیا میں پیش کی گئی ہے کہ پاکستان سے باہر ایک مقام کی ہے۔ سالِ رواں کے اوائل میں آرامکو نے گیس اینڈ آئل پاکستان میں 40 فیصد اکویٹی شیئرز حاصل کرلیے ہیں۔