اسلام آباد کے تھانہ شالیمار کی حدود ایف الیون ٹو میں اپارٹمنٹ سے 2 خواتین اور ایک مرد کی لاشیں برآمد ہوئی ہیں۔
تفصیلات کے مطابق وفاقی دارالحکومت میں زہریلی شراب پینے سے 2 خواتین اور ایک مرد ہلاک ہوگیا، تھانہ شالیمار کی حدود ایف الیون ٹو الصفاء ہائٹس میں 2 خواتین اور لڑکے نے ڈانس پارٹی کی تھی۔
ذرائع نے بتایا کہ پارٹی کے دوران غیر معیاری شراب نوشی سے لڑکا اور ایک لڑکی کی موت واقع ہوئی، نادیہ نامی خاتون نے الصفاء ہائٹس کے اسٹاف کو اطلاع دی۔
ذرائع کے مطابق اطلاع ملنے پر تھانہ شالیمار پولیس نے موقع پہنچ کر نادیہ نامی لڑکی کو پمز اسپتال منتقل کیا جہاں اس کی موقت ہوگئی۔
مرنے والے ایک شخص کی شناخت زابت والد عبد سبحان نام سے ہوئی ہے جبکہ ایک خاتون کی شناخت تاحال نا کی جاسکی۔
