شام کے مختلف علاقوں پر اسرائیل کے 15 فضائی حملوں میں 5 افراد ہلاک اور 19 زخمی ہوگئے۔

شامی میڈیا کے مطابق اسرائیل نے شام کے پانچ مختلف مقامات پر پندرہ فضائی حملے کیے، اسرائیل نے مسیف میں فوجی مقامات کو نشانہ بنایا۔

غیر ملکی میڈیا نے کہا کہ کچھ اسرائیلی میزائلز کو شامی فضائیہ نے حملوں میں مار گرایا، حملوں میں زخمی افراد میں سے کچھ کی حالت کافی تشویشناک بتائی گئی ہے۔

رپورٹس کے مطابق شام اسرائیلی حملوں سے سڑکوں اور ہائی وے کو بھی نقصان پہنچا ہے جبکہ عمارتوں میں لگی آگ پر قابو پانے کے لیے فائر فائٹرز کام کر رہے ہیں۔