قومی ٹیم کی حالیہ ناقص کارکردگی کے بعد وکٹ کیپر بلے باز محمد رضوان کو تینوں فارمیٹ کے لیے پاکستان کرکٹ ٹیم کا کپتان بنائے جانے کا امکان ہے لیکن حتمی فیصلہ پاکستان کرکٹ بورڈ کے چیئرمین محسن نقوی، کوچز، مینٹورز اور سلیکشن کمیٹی سے مشاورت کے بعد کریں گے۔
نجی ٹی وی کے مطابق پی سی بی نے کپتانی سمیت دیگر فیصلوں کے لیے 22 ستمبر کو اہم اجلاس طلب کرلیا ہے۔ جس میں وائٹ بال کوچ گیری کرسٹن ، ریڈ بال کوچ جیسن گلیپسی اور دیگر تمام کوچز اور بورڈ آفیشلز شرکت کریں گے۔
شان مسعود کا بطور ٹیسٹ کپتان مستقبل کیا ہوگا ؟
ذرائع کا کہنا ہے کہ ممکنہ طور پر وکٹ کیپر بلے باز محمد رضوان کو تینوں فارمیٹ کی کپتانی ملنے کا امکان ہے۔
اجلاس میں مشاورت اور کوچز کا اتفاق ہونے پر اہم اعلانات متوقع ہیں۔
بنگلادیش نے تاریخی شکست دے کر ٹیسٹ سیریز میں پاکستان کو کلین سوئپ کردیا
