بانی پی ٹی آئی کے وکلا کی اڈیالہ جیل داخلے اور ملاقات کا معاملہ پر اسلام آباد ہائیکورٹ کے مقرر کردہ لوکل کمیشن بیرسٹر ذوپاش خان آج اڈیالہ جیل گئے۔
بیرسٹر ذوپاش نے دوران سماعت اڈیالہ جیل میں عمران خان اور بشریٰ بی بی سے بات کی، لوکل کمیشن نے اڈیالہ جیل سماعت کے دوران وکلا سے بھی مشکلات سے متعلق گفتگو کی۔
بیرسٹر ذوپاش نے دوران سماعت اڈیالہ جیل کمرہ عدالت کا بھی جائزہ لیا، اسلام آباد ہائیکورٹ نے لوکل کمیشن کو وزٹ کے بعد رپورٹ پیش کرنے کی ہدایت کر رکھی ہے۔
واضح رہے کہ اسلام آباد ہائیکورٹ کے جسٹس سردار اعجاز اسحاق نے بانی پی ٹی آئی کے وکلا کو جیل داخلے سے روکنے کیخلاف درخواست پرتحریری فیصلہ جاری کیا تھا جس کے مطابق عدالت نے وکلا پرمشتمل تین رکنی لوکل کمیشن قائم کیا تھا۔
تحریری فیصلے میں کہا گیا تھا کہ غیرجانبدارجائزے کیلئے ضروری ہے کہ عدالت اپنے آنکھ اور کان تعینات کرے، عدالت نے ذوپاش خان، مبین اعوان اورزوہیب گوندل ایڈووکیٹ پرمشتمل 3 کمیشن قائم کی تھی۔
