پیرس میں جاری پیرالمپکس گیمز میں حصہ لینے والے واحد پاکستانی ڈسکس تھرو پلیٸر حیدر علی نے 52 اعشاریہ 54 میٹر کی ڈسکس تھرو پھینک کر کانسی کا تمغہ جیت لیا۔ وزیراعظم شہباز شریف نے حیدرعلی کو مبارکباد پیش کی ہے۔
پیرالمپکس گیمز میں پاکستانی ایتھلیٹ حیدر علی کا سفر کامیابی سے مکمل ہوگیا۔ اس سے قبل وہ ٹوکیو پیرالمپکس گیمز میں گولڈ میڈل بھی جیت چکے ہیں۔
پیرس پیرالمپکس میں حیدر علی ابتدائی 2 راؤنڈ تک پہلی پوزیشن پر رہے، اُس کے بعد اُن کی مسلسل 4 تھرو فاؤل قرار دی گئیں، اس دوران اُزبکستان اور کینیڈا کے ایتھلیٹ اُن سے بہتر تھرو کرنے کی وجہ سے پہلی اور دوسری پوزیشن پر آگئے۔
ٹوکیو پیرالمپکس: حیدر علی نےپاکستان کیلئےگولڈمیڈل جیت کر تاریخ رقم کر دی
ازبکستان کے تولیبوے یلداسیو نے 57.28میٹر تھرو پھینک کر گولڈ میڈل اپنے نام کیا جبکہ کینیڈا کے جیسس زیسیو نے 53.24 میٹر تھرو کیساتھ چاندی کا میڈل جیتا۔ حیدر علی نے 52 اعشاریہ 54 میٹر تھرو کی۔
جیولین کنگ ارشد ندیم نے گولڈ میڈل سینے پر سجا لیا
واضح رہے کہ پیرس میں جاری ہے جس میں 170 ممالک کے 4 ہزار سے زیادہ اتھلیٹس مد مقابل ہیں۔
وزیراعظم شہباز شریف نے سماجی رابطے کی ویب سائیٹ ”ایکس“ پر پیرس پیرالمپکس میں برانز میڈل جیتنے پر حیدر علی کو مبارکباد دیتے ہوئے لکھا ’آپ کی کامیابی کا ہم جشن منارہے ہیں، آپ کی لگن پوری قوم کے لیے مشعل راہ ہے۔‘
