لڑکا لڑکی کے درمیان مبینہ تعلقات پر مشتعل ہجوم نے دونوں کو برہنہ پریڈ کرائی جس کی ویڈیو بھی سوشل میڈیا پر وائرل ہو رہی ہے۔
بھارتی میڈیا رپورٹس کے مطابق ریاست بہار کے ضلع سپول میں مشتعل افراد نے لڑکے کے ساتھ مبینہ تعلقات پر لڑکی کو تشدد کا نشانہ بنا کر اسے نیم برہنی پریڈ کروائی۔
بھارتی پولیس کے مطابق وائرل ویڈیوز میں لڑکی کو بالوں سے پکڑ کر تشدد کرتے دیکھا گیا جب کہ مشتعل گروپ میں سے ایک نے ہی لڑکے کو پکڑ کر برہنہ کرکے پریڈ کروائی۔
پولیس نے بتایا کہ ظلم کرنے کے بعد لوگ لڑکی کو گھر کے باہر پھینک گئے جس پر لڑکی کے اہلخانہ نے فوری طور پر پولیس تھانے میں میں شکایت درج کروائی۔
پولیس کا کہنا ہے کہ انہوں نے واقعے کے خلاف کارروائی کرتے ہوئے مشتعل افراد میں سے ایک ملزم کو گرفتار کرلیا ہے جبکہ باقی ملزمان کی تلاش جاری ہے۔
