پاکستانی سوشل میڈیا پرسن کی حالیہ ویڈیو میں انہیں شیرنی کو گلے لگانے کی ویڈیو پر انہیں تنقید کا سامنا ہے۔

میاں ثاقب نامی معروف سوشل میڈیا تخلیق کار کے انسٹاگرام اکاؤنٹ بالخصوص یوٹیوب چینل پر نظر ڈالی جائے تو ان کی ایک سے زائد ویڈیوز شیرنی ، ٹائیگر جیسے جنگلی جانوروں کے ساتھ موجود ہیں۔

میاں ثاقب اپنے گھر میں جنگلی جانوروں کو اس طرح رکھتے ہیں جیسے وہ پالتو جانور ہوں۔

لیکن ان کی حالیہ ویڈیو بھارت سمیت دیگر سوشل میڈیا فارمز پر زیادہ مقبول ہو رہی ہے جس میں وہ اپنی شیرنی کو بلا خوف گلے لگا رہے ہیں۔

ویڈیو میں دیکھا جا سکتا ہے کہ شیرنی ایک دم تخلیق کار کے کندھوں پر اپنے پاؤں رکھ لیتی ہے جسے سنبھالنا ان کے لیے مشکل ہوجاتا ہے، بعد ازاں وہ اسے گلے لگا لیتے ہیں۔

ویڈیو دیکھ کر سوشل میڈیا صارفین انہیں تنقید کا نشانہ بنا رہے ہیں۔ ان کا کہنا ہے کہ وہ ایک جنگلی جانور ہے اور کبھی بھی آپ پر حملہ کر سکتا ہے۔

میاں ثاقب کے انسٹاگرام پر فالوورز کی تعداد 6 لاکھ 29 ہزار ہیں۔