اسلام آباد کی ڈسٹرکٹ اینڈ سیشن کورٹ نے سابق وزیر اطلاعات فواد چوہدری کی 2 مقدمات میں حاضری سے استثنیٰ کی درخواستیں منظور کرلیں۔
ڈسٹرکٹ اینڈ سیشن کورٹ میں فواد چوہدری کے خلاف درج 2 کیسز پر سماعت ہوئی، فراڈ کیس پر سماعت سول جج یاسر محمود اور اداروں کے خلاف بغاوت پر اکسانے کے خلاف کیس پر سماعت ایڈیشنل سیشن جج افضل مجوکا نے کی۔
فواد چوہدری کی جانب سے دونوں کیسز میں حاضری سے استثنیٰ کی درخواستیں دائر کی گئیں جبکہ دونوں عدالتوں نے منظور کرلی اور سماعت 10 ستمبر تک ملتوی کردی۔
سپریم کورٹ کو تباہ کرنے کی کوشش کی تو احتجاجی تحریک شروع کردیں گے، عمران خان
یاد رہے کہ سابق وفاقی وزیر فواد چوہدری کے خلاف اداروں کے خلاف بغاوت پر اکسانے کا اور فراڈ کیس درج ہیں۔
پاکستان تحریک انصاف کے بانی چیئرمین عمران خان اور سابق وزیر اطلاعات فواد چوہدری کے خلاف توہین الیکشن کمیشن کیس کی سماعت 19 ستمبر تک ملتوی کردی جبکہ ملزموں کے وکیل شعیب شاہین مختلف کیسزمیں مصروفیت کے باعث نہیں آسکے۔
آپ کی مرضی کے مطابق چلنا چاہتا ہوں، معذرت قبول کریں، مجھے بھی اپنا سمجھیں، فواد چوہدری
ممبر سندھ نثاردرانی کی سربراہی میں 4 رکنی بینچ نے بانی پی ٹی آئی عمران خان اور فواد چوہدری کے خلاف توہین الیکشن کمیشن اور چیف الیکشن کمشنر کی سماعت کی جبکہ سابق وزیراعظم کی جانب سے نعیم حیدر پنجوتھ الیکشن کمیشن میں پیش ہوئے۔
بانی پی ٹی آئی کے وکیل نعیم حیدر پنجوتھا نے التوا کی استدعا کرتے ہوئے مؤقف اپنایا کہ گزشتہ روز فواد چوہدری نے 19 ستمبر تک کیس کے التوا کی درخواست دی تھی، جس پر ممبر سندھ نے کہا کہ وہ کیس الگ ہے۔
شعیب شاہین نے کہا کہ بانی پی ٹی آئی کا کیس الگ ہے، نعیم پنجوتھ نے کہا کہ مختلف کیسز میں مصروفیت کے باعث نہیں آ سکے۔
ایڈووکیٹ جنرل نے عدالت کو بتایا کہ فواد چوہدری کو حاضری سے استثنیٰ کی درخواست دینی چاہیئے تھی۔
حکام الیکشن کمیشن نے کہا کہ آج بانی پی ٹی آئی کے خلاف گواہوں کے بیانات ریکارڈ ہونا تھے، جس پر ایڈووکیٹ جنرل نے کہا کہ ہائیکورٹ کے آرڈرز کے مطابق بانی پی ٹی آئی ویڈیو لنک کے ذریعے پیش ہو سکتے ہیں ۔
توہین الیکشن کمیشن کیس: فواد چوہدری نے جواب جمع کرانے کیلئے مزید وقت مانگ لیا
فواد چوہدری کیس: الیکشن کمیشن کی سماعت ملتوی کرنے کی استدعا مسترد
عمران خان کے وکیل نے کہا کہ جیل حکام کے مطابق ویڈیو لنک کی سہولت موجود نہیں، الیکشن کمیشن نے سماعت 19 ستمبر تک ملتوی کردی۔
