کراچی کے بہادر بیٹے فیضان نے دو معصوم بچوں کی جان بچانے کیلئے اپنی جان دے دی۔ کراچی لائنز ایریا کے 18 سالہ فیضان نے انسانیت کے لیے جان قربان کر دی۔

گارڈن کے علاقے میں ڈھکن ٹوٹنے سے دو بچے کنویں میں جاگرے لیکن بچانے کیلئے کوئی آگے نہ آیا۔ 18 سالہ فیضان جان کی پروا کئے بغیر کمر پر رسہ باندھ کر ایک سو بیس فٹ گہرے کنویں میں اتر گیا۔

والد کا کہنا ہے فیضان بچوں کو رسی کی مدد سےاوپرلارہا تھا کہ رسی ٹوٹ گئی۔ فیضان کے بھائیوں نے کراچی کی ابتر صورتحال کا شکوہ کیا۔

فیضان سات بھائی بہنوں میں چھٹے نمبر پر تھا۔