صوابی میں فائرنگ سے جاں بحق پیسکو اہلکار کے قاتلوں کی عدم گرفتاری پر صوبے بھر کے پیسکو ملازمین کا احتجاج رنگ لے آیا۔
صوابی میں 29 اگست کو فائرنگ کا واقعہ پیش آیا جس میں پیسکو اہلکار کامران جاں بحق ہوا تھا، جبکہ نعمان نامی شخص زخمی ہوا تھا۔
واقعے پر پیسکو ملازمین نے تین روزہ قلم چھوڑ ہڑتال کا اعلان کیا تھا، لیکن احتجاج کے پہلے ہی دن پولیس ملزم کو گرفتار کرنے میں کامیاب ہوگئی۔
خیبر پختونخوا حکومت کا بھتہ دینے والوں کیخلاف بھی کارروائی کا فیصلہ
پولیس نے بتایا کہ بھائی کوٹ سے تعلق رکھنے والے حامد کو گرفتار کرلیا گیا ہے، گرفتار ملزم حامد سے اسلحہ بھی برآمد کرلیا گیا ہے۔
ایس پی انویسٹیگیشن افتخار خان نے اس حوالے سے پریس کانفرنس کرتے ہوئے کہا کہ ملزم نے اپنے بیان میں بتایا پیسکو اہلکار گھر کا بجلی کنکشن کاٹ رہا تھا اور ویڈیو بھی بنا رہا تھا۔ گھر کی چار دیواری کے پردے کا خیال نہ رکھنے پر فائرنگ کی۔
