خیبر پختونخوا حکومت نے بھتہ خوروں کے بعد بھتہ دینے والوں کے خلاف بھی کارروائی کا فیصلہ کرلیا جبکہ کنٹریکٹرز، مائنز لیز ہولڈرز اور کاروباری شخصیات سے متعلق بھتہ دینے کی اطلاع ملی ہے، جس پر پوائنٹ آف کنٹیکٹ ٹریس کرنے کے لیے وفاق سے رابطہ کرنے کا بھی فیصلہ کیا گیا ہے۔
محکمہ داخلہ کے ذرائع کے مطابق صوبے میں بڑی تعداد میں کنٹریکٹرز، مائنز لیز ہولڈرز اور کاروباری شخصیات سے متعلق بھتہ دینے کا انکشاف ہوا ہے ۔
ذرائع کا کہنا ہے کہ بھتہ دینے والوں کا ڈیٹا مرتب کرکے سی ٹی ڈی کے ذریعے جامع کارروائی کی جائے گی، اس کے علاوہ بھتہ خوروں کے سرحد پار سے کالز اور پوائنٹ آف کنٹیکٹ کو ٹریس کرنے کا فیصلہ کیا گیا ہے۔
کراچی میں بھتہ خوری کا سلسلہ بڑھ گیا ’ایران اور افغانستان پیسے بھیجے جاتے ہیں‘
لیاری گینگ وار کے بھتہ خوروں نے تاجروں سے بھتہ لینا شروع کردیا
محکمہ داخلہ کے ذرائع کا مزید کہنا ہے کہ پوائنٹ آف کنٹیکٹ کو ٹریس کرنے کے لیے وفاقی سطح پر تیسری بار رابطہ کرنے کا بھی فیصلہ کیا گیا ہے، پنجاب میں سی ٹی ڈی کو کال ٹریس اور پوائنٹ آف کنٹیکٹ تک رسائی حاصل ہے لیکن وفاقی حکومت نے بھتہ خوری کی روک تھام کے لیے ابھی تک کوئی ٹاسک فورس تشکیل نہیں دی ہے۔
