پائے کا ناشتہ شہ زوروں کی ثقافت سمجھی جاتی ہے۔ گوجرانوالہ کے چوک گھنٹہ گھر میں کئی دہائیوں سے قائم حاجی اشفاق کے مشہور پاوں کا ناشتہ سابق وزیر اعظم میاں نواز شریف سمیت اہم سیاسی شخصیات اور بیرون ممالک سے آئے والے کئی مہمان بھی کرچکے ہیں۔
پائے کا ناشتہ خوش خوراکوں کی پسندیدہ غذا ہے، موسم کوئی بھی ہو پہلوان صبح اٹھتے ہی تگڑے روائتی ناشتے پر ہاتھ صاف کرنے کے لئے پائوں کی مشہور دکانوں کا رخ کرتے ہیں، جہاں پائے کی بڑی دیگ دیکھ کر ان کی جان میں جان آتی ہے،ناشتے میں دو چار پیالے ڈکار جانا تو ان کے لئے کوئی بڑی بات نہیں۔
پہلوانوں کے شہر گوجرانوالہ میں کئی دہائیوں سے سری پائے کے ناشتے کی دکان چلانے والے حاجی اشفاق کا کہنا ہے کہ ان کی دکان سے کئی نامور سیاست دانوں نے ناشتہ کیا ہے جن میں میاں نواز شریف بھی شامل ہیں۔
پہلوانوں کا کہنا ہے کہ ہر صبح پائے کا ناشتہ نہ ملے تو پورا دن جسم میں کوئی کمی سی رہتی ہے۔ پائے کا ناشتا نہ صرف گوجرانوالہ کے شہریوں کا ذوق ہے ،بلکہ جسم کو طاقت اور حرارت بھی بخشتا ہے۔
