ہری پور کی تحصیل خان پور کے علاقے مسلم آباد میں چیتے نے حملہ کرکے موٹر سائیکل سوار باپ بیٹے کو شدید زخمی کردیا۔

جامن موڑ کے نزدیک چیتے نے باپ بیٹے پر حملہ کیا۔ دونوں ایک ویران علاقے سے گزر رہے تھے۔ دونوں کو تحصیل ہیڈ کوارٹرز اسپتال خان پور منتقل کردیا گیا۔

اس علاقے میں چیتے، تیندوے اور دیگر جنگلی جانور بڑی تعداد میں پائے جاتے ہیں۔ چیتے اور تیندوے بالعموم اکیلے انسان پر حملہ کرتے ہیں۔ تین یا چار افراد مل کر جارہے ہوں تو چیتے اور تیندوے حملے سے گریز کرتے ہیں۔

مقامی لوگوں کا کہنا ہے کہ بسا اوقات چیتے، تیندوے اور دیگر درندے بستوں کے نزدیک آجاتے ہیں اور انسانوں پر حملہ کردیتے ہیں۔ موقع پاتے ہی یہ درندے بچوں کو یا پھر معمر افراد کو نشانہ بناتے ہیں۔