اپوزیشن جماعتوں سے مذکرات کے معاملے پر مسلم لیگ (ن) کے رہنما پاکستان تحریک انصاف (پی ٹی آئی) سے مذکرات پر تقسیم کا شکار ہوگئے۔
ذرائع کا کہنا ہے کہ مسلم لیگ ن کے رہنما احسن اقبال اور خواجہ آصف مذاکرات کے حق میں نہیں جبکہ خواجہ سعد رفیق، رانا ثناء اللہ اور ایاز صادق مشروط مذکرات سے متفق ہیں۔
ذرائع کا یہ بھی کہنا ہے کہ مسلم لیگ (ن) کی سینئر قیادت جے یو آئی (ف) کے سربراہ مولانا فضل الرحمان اور محمود اچکزئی سے بات چیت جاری رکھنے پر متفق ہیں۔
بیرسٹر گوہر نے اسپیکر قومی اسمبلی سے مذاکرات کی بات کرنے کی تردید کردی
دوسری جانب حکومت اور اپوزیشن کے درمیان مذاکرات سے متعلق سابق وفاقی وزیر اطلاعات فواد چوہدری نے بڑا انکشاف کردیا۔
فواد چوہدری کا کہنا ہے کہ مجھے بتایا گیا ہے کہ محمود اچکزئی اور رانا ثناء اللہ کے درمیان گفتگو 2 ماہ سے جاری ہے، اب پیشرفت ہونے پر ان مذاکرات کی خبر کو میڈیا سے بھی شیر کیا گیا، مذاکرات ہونا مثبت قدم ہے۔
