بلوچستان کے دارالحکومت کوئٹہ کے علاقے چمن پھاٹک کے قریب ہونے والے دھماکے میں 2 افراد زخمی ہوگئے جبکہ دھماکے سے قریبی عمارتوں کے شیشے ٹوٹ گئے۔
پولیس حکام کے مطابق کوئٹہ کے گنجان آباد علاقے چمن پھاٹک کے قریب ہوا، دھماکے کے نتیجے میں قریب سے گزرنے والے 2 راہگیر باپ بیٹے زخمی ہوئے، جن کی شناخت غلام حسین اور ان کے بیٹے اسامہ کے ناموں سے شناخت ہوئی۔
زخمیوں کو فوری طورپر سول اسپتال منتقل کردیا گیا، دونوں زخمیوں کی حالت خطرے سے باہر بتائی جاتی ہے۔
پولیس، سی ٹی ڈی، ایف سی، بم ڈسپوزل اسکواڈ اور دیگر قانون نافذ کرنے والے اداروں کے اہلکاروں نے جائے وقوعہ پر پہنچ کر شواہد اکھٹے کیے اور تحقیقات کا آغاز کردیا۔
کراچی: 100 فٹ گہرا کنواں 3 جانے نگل گیا، 2 بچوں اور نوجوان کی لاشیں نکال لی گئیں
پولیس اور دیگر قانون نافذ کرنے والے اداروں کے اہلکاروں نے چمن پھاٹک اور اطراف کی سڑکوں پر ناکہ بندی کرکے شرپسندوں کی تلاش شروع کردی۔
