پاکستان کے معروف گلوکار اوراداکارفرحان سعید نے اپنے بنگلہ دیشی دورے کے بارے میں پھیلی گئی قیاس آرائیوں کا جواب دے دیا۔
فرحان سعید کے متعلق سوشل میڈیا کےمختلف پیجز پر یہ افواہیں گردش کررہی تھیں کہ وہ بہت جلدایک میوزیکل کنسرٹ کے انعقاد کے لیے اگلے ماہ ستمبر میں بنگلہ دیشی دورے پرجا رہے ہیں ۔
اس خبر نے ان کے بنگلہ دیشی مداحوں کو توخوش کردیا، لیکن پاکستانی مداحوں میں تشویش کی لہر دور گئی اور انہوں نے گلوکار سے یہ جاننا چاہا کہ کیا وہ واقعی بنگلہ دیش کے موجودہ حالات کے باوجود وہاں جارہے ہیں؟
اب فرحان سعید نے اپنے بنگلہ دیشی دورے سے متعلق تمام سوالوں کا جواب دے دیا ہے۔
انہوں نے اپنے انسٹاگرام کے آفیشیل اکاونٹ میں ایک پیغام کے ذریعے کہا کہ یہ پیغام ان تمام بنگلہ دیشی مداحوں کے لیے ہے، جو مجھ سے سوال کررہے ہیں کہ کیا میں ستمبرمیں کنسرٹ کے لیے بنگلہ دیش جارہا ہوں؟
اس کا جواب ہے نہیں، میں نہیں ارہا ہوں۔ میری تصویر کا غلط استعمال کر کے جھوٹی خبریں پھیلائی جارہی ہیں، میں نہیں آرہا ہوں۔ اگرمیں بنگلہ دیش کا دورہ کروں گا تواپنے سوشل میڈیا پلیٹ فارم پر اس کا اعلان کروں گا۔
انہوں نے آخر میں اپنے مداحوں سے درخواست کی کہ اس خبر کو سوشل میڈیا میں پھیلا دیں۔
