کراچی کے مختلف علاقوں میں مون سون کے طوفانی اسپیل کے دوسرے روز تیز اور ہلکی بارش کا سلسلہ ایک بار پھر شروع ہو گیا ہے۔

گلشن حدید،گلزارہجری، ایف بی ایریا، ماڈل کالونی، نارتھ کراچی، عزیز آباد میں بھی بارش جاری ہے جبکہ جیل روڈ، گرومندر، مزار قائد، دنبا گوٹھ اور اطراف کے علاقوں میں موسلادھار بارش ہو رہی ہے ۔

چیف میٹرولوجسٹ سردار سرفراز کی جانب سے بتایا گیا ہے کہ آج رات سے کراچی میں شدید بارشوں کا امکان ہے، شہر میں بارش کا سلسلہ آئندہ 3 سے 4 روز تک وقفے وقفے سے جاری رہے گا۔

ان کا مزید کہنا تھا کہ 28 اگست کے بعد مون سون سسٹم میں مزید شدت آنے کا امکان ہے اور اس دوران 150 ملی میٹر تک بارش متوقع ہے۔