پاکستان تحریک انصاف کے زیر حراست رکن قومی اسمبلی امتیاز چوہدری نے والدہ سے ملاقات کی ، اپوزیشن لیڈر کے چیمبر میں ہونے والی ملاقات پر جذباتی مناظر دیکھنے کو ملے۔
رکن اسمبلی امتیاز چوہدری پروڈکشن آرڈر جاری ہونے پر آج قومی اسمبلی کے اجلاس میں شرکت کے لیے پہنچے تھے، جہاں اجلاس میں جانے سے قبل ان کی والدہ سے ملاقات ہوئی۔
امتیاز چوہدری کو والدہ نے گلے لگا لیا، اور آبدیدہ ہوگئیں ، ایم این اے حاجی امتیاز چوہدری ماں کے گلے لگ کر رو پڑے، امتیاز چوہدری کی والدہ نے بیٹے کے ماتھے کو چوما، اس موقع پر دیگر سیاسی رہنما بھی موجود تھے۔
قائد حزب اختلاف عمر ایوب نے ایم این اے حاجی امتیاز چوہدری کے پروڈکشن آرڈر جاری کرنے اور انہیں اجلاس میں طلب کرنے پر اسپیکر کا شکریہ ادا کرتے ہوئے کہا کہ یہ بہت اچھی روایت ہے جس پر میں ایاز صادق کی تعریف کرنا چاہتا ہوں۔
